Изјава за Медиумите

Потпишан договор помеѓу Универзитетот Вермонт и Универзитетот Св. Кирил и Методиј

14 мај 2007

 

Ректорот на Универзитетот Св. Кирил и Методиј, Ѓорѓи Мартиновски, и претставникот на Универзитетот Вермонт, Мери Вотзин, потпишаа денес договор, поканувајќи ги и двата универзитети да работат заедно на промовирање на образовна и научна соработка и размена.

„Ова е уште еден одличен пример на соработка помеѓу Македонците и Американците“ рече Мери Вотзин, професор на Рубенштајн Факултетот за животна средина и природни ресурси на Универзитетот Вермонт.  „Овој договор ги опфаќа студентите и професорите од сите дисциплини и факултети на нашите универзитети“.

Соработката се очекува да опфати заеднички научни и истражувачки проекти; размена на визитинг професори, студенти и дипломци; организација на заеднички научни конференции и работилници; размена на публикации, универзитетски едиции и книги; и соработка на полето на комуникациски мрежи.  Двата универзитети, исто така, се очекува да соработуваат на подготвување на заеднички апликации за соодветни организации за доделување на грантови за истражување и за финансиска поддршка на взаемно договорени области и теми.

Мери Вотзин пристигна во Македонија во составот на делегацијата на Партнерството со Вермонт 2007, што го означува долгогодишниот однос на партнерство помеѓу Македонија и Вермонт.  Партнерството, што започна во 1995 како воена соработка помеѓу Армијата на Република Македонија и Националната гарда на Вермонт, се развиваше во изминатиот период, така што оваа година ќе биде одбележено со вежби за кризен менаџмент, промоција на универзитетско партнерство, дискусии за економскиот развој, и поддршка за младинската безбол организација на Македонија.