Критериуми за фотографија за неимигрантска виза

Фото Робот

Фотографиите за Американска виза не се со ист квалитет или димензии како фотографиите за македонски пасош. 

Следете ги долунаведените инструкции за фотографијата за американска виза: 
- Сликата на секој кандидат за неимигрантска виза треба да го истакнува целото лице на кандидатот и да не биде постара од шест месеци. Кандидатот треба да гледа директно во камерата. Кандидатот не треба да гледа долу ниту на страна и лицето треба да покрива 50% од сликата. Лицето и косата на кандидатот треба да се гледаат од врвот на главата до врвот на брадата и целата коса од страните. Исто така пожелно е да се гледаат и ушите. Сликата треба да биде со димензии 50џ50мм каде главата го покрива централниот дел. 

- Сликата може да биде во боја или црно бела со бела позадина. Сликата треба да се захефта или да се залепи на формуларот за неимигрантска виза ДС-156. Ако сликата е захевтана, хефталиците треба да бидат што подалеку од лицето. Сликите со темна позадина нема да бидат прифатени.

- Сликата може да ја направите во “Фото Јове” во Супермаркетот “Веро” Капиштец: Иво Лола Рибар б.76 , “Фото Бенни” во Стара Чаршија и во Профото Здравко Студио во Центар.