Теми од Интерес

Обраќање на амбасадорот Рикер пред присутните гости на Гала приемот за стипендистите на програмите за студирање и размена во САД.  (ГФ)

Гала прием за стипендистите во Амбасадата

18 ноемвери 2009

Во соработка со Македонско-американската алумни асоцијација, Амбасадата покани на голем прием неколку стотини стипендисти на програми за студирање и размена во САД. Амбасадорот Рикер ги пофали нивните достигнувања и придонеси за Македонија, назначувајќи дека размените претставуваат најзначајна инвестиција на Америка во иднината на Македонија – во нејзините луѓе и нејзините водачи. Амбасадорот Рикер потенцира дека програмите за размена на Стејт Департментот вклучуваат исклучително богата и разновидна група на стипендисти и потврди дека “oд едната милијарда долари кои ги имаме донирано како помош за Македонија од нејзината независност наваму, сигурен сум дека ништо нема подолгорочно влијание од нашите програми за обука, образование и размена.” Заедно со Амбасадорот, на гостите им се обрати и Министерот за образование и наука Никола Тодоров. Амбасадорот се заблагодари на македонската Влада за нејзината одлука да започне годишно учество од 100.000 долари во програмата за студенти Фулбрајт, со што бројот на студенти од Македонија кои студираат во САД преку Фулбрајт двојно се зголеми. Учесниците беа стипедисти од програмите Фулбрајт, Рон Браун и Бен Френклин, долгорочни програми од областа на војската, полицијата и судството, програма за развој на помлади асистенти на факултетите, програми на УСАИД, како и оние кои патувале во рамките на програмите за меѓународни посетители.

- За да го прочитате обраќањето на амбасадорот Рикер, кликнете овде.
- За да видите повеќе фотографии од овој настан, кликнете овде.

Амбасадорот Рикер во обиколка на црквата Перивлепта со Претседателот Иванов, Министерот за култура Канческа-Милевска и Директорот на  Управата за зачувување на културното наследство Паско Кузнам.  (ГФ) - МТВ 1 (големина 4.21 МБ) А1 ТВ (големина 3.06 МБ) -

Амбасадорски фонд за културна заштита: Зачувување на црквата Пресвета Богородица "Перивлепта" во Охрид

29 октомври 2009

Амбасадорот Рикер и Министерот за култура Канческа-Милевска, потпишаа договор за зачувување и реставрација на црквата Перивлепта, нејзината архитектура и фрески. Преку грант на Амбасадорскиот фонд за културна заштита, Стејт Департментот ќе учествува со 650.000 американски долари во реставрација на црквата. Преку оваа програма се финансираат проекти за зачувување на културното наследство низ целиот свет. Амбасадата во Скопје е една од само три амбасади на САД во светот кои добија вакви награди за оваа година. Овој значаен придонес е моќен знак на нашето стратешко партнерство со Македонија и на нашите заеднички напори за зачувување на културното наследство. Претседателот Иванов му се приклучи на Амбасадорот Рикер и Министерот за култура Канческа-Милевска со свое излагање во Куќата на Робевци при потпишувањето на овој историски договор.

- За да го прочитате обраќањето на амбасадорот Рикер, кликнете овде.
- За да го погледнете видео записи од настанот на (МТВ1 - големина 4.21 МБ), и (А1 ТВ - големина 3.06 М).
- За да видите повеќе фотографии од овој настан, кликнете овде.

Американскиот државен секретар Хилари Клинтон

Извештај за меѓународната состојба со верските слободи за 2009 година
Објавен од страна на Бирото за демократија, човекови права и труд

26 октомври 2009

Државниот секретар Клинтон: "Убедени сме дека најдобро решение за нетолеранцијата е комбинација од силна правна заштита против дискриминација и расна омраза, проактивен владин пристап кон малцинските религиозни групи, и енергична одбрана како на слободата на вероисповест, така и на слободата на изразување. Се надеваме дека Извештајот за меѓународната состојба со верските слободи ќе ги охрабри постоечките движења за верски слободи низ целиот свет и ќе промовира дијалог помеѓу владите, но и во општествата за тоа како најдобро да им се удоволи на верските заедници и да се заштити правото на секој поединец да верува или да не верува, така како што на поединецот му одговара."... Текст (на англиски) од излагањето на Државниот секретар Клинтон. | Целосен Извештај (на англиски).

- Извештај за меѓународната состојба со верските слободи за 2009 година во Република Македонија... види го целосниот извештај на Македонски.

Амбасадорот Рикер со доброволците од Црвениот крст на град Скопје кои учеството во глобалниот ден на служење на заедниците. (ГФ).  Видео запис од настанот изготвено од амбасадата на САД.

Давајќи на заедницата се сеќаваме на жртвите од 11 септември

Крводарителска акција и Собирна акција за прехрамбени продукти

На 21 октомври, Амбасадата на САД заедно со Црвениот крст на град Скопје како партнер организираа акција за дарување на крв, храна и парични средства за граѓаните на Република Македонија. Претседателот Барак Обама ги мотивираше амбасадите за ваков настан кога предложи да организираат акција каде сите луѓе, без разлика на нивната религија, етничко потекло или раса, ќе се обединат во една заедничка цел. Тој веруваше дека тоа ќе биде најдобриот начин да им се оддаде почит на жртвите во нападите од 11 септември, 2001. Резултат од овој настан е што повеќе од 100 лица доброволно дојдоа да даруваат крв. Освен тоа, Црвениот крст собра храна и парични средства што ќе им бидат поделени на најзагрозените семејства во претстојните зимски месеци. Во обраќањето до волонтерите и другите учесници, амбасадорот Рикер нагласи дека настаните како овој ни покажуваат колку сите ние навистина можеме да постигнеме кога ќе заборавиме на разликите и ќе се фокусираме на нештата што не обединуваат. Амбасадата би сакала да се заблагодари на сите што ни се приклучија во акцијата на 21 октомври и да ги охрабри оние што не можеа да дојдат, да посетат некоја од канцелариите на Црвениот крст и да дадат донација. Колективно, можеме да се справиме со секој предизвик пред нас, но секој од нас треба да даде свој придонес.

- За да го видите видео записот од овој настан изготвен од амбасадата на САД, кликнете овде. 
- За да го видите говорот на амбасадорот Рикер, кликнете овде, за да прочитате текст, кликнете овде.
- За да го видите краткиот видео запис за настанот од вестите на МТВ 1, кликнете овде.

Американско-Македонска младинска програма

Американски Совети за Меѓународно Образование со гордост објавуваат
Американско-Македонска младинска програма (ЈЕС) за размена на ученици од Македонија

ЈЕС е БЕСПЛАТНА програма за ученици од средните училишта во Македонија за престој на една школсака година во САД. Програмата е целосно финансирана од Стејт Департментот на САД. Учениците ќе живеат во Американски фамилии и ќе посетуваат американско средно училиште почнувајки од есента 2010г...повеќе.

Други наслови...