Изјава за медиумите

„Волците од сенка“ од САД ја обучуваат Македонската гранична полиција
 
7 мај 2007

„Волците од сенка“ од САД ја обучуваат Македонската гранична полиција, (голема фотографија).

Три претставници на Бирото за имиграција и царина на Министерството за внатрешна безбедност на САД ќе ја посетат Гевгелија од 7-11 мај 2007 за да спроведат обука за претставници на Граничната полиција на Република Македонија за методите што се користат при следење на лица осомничени за шверц и други нелегални активности во пограничните појаси.   Обуката е во рамките на поддршката што Амбасадата на САД ја дава на Република Македонија во нејзините напори да обезбеди граници на кои нема да се одвиваат нелегални движења на стоки и луѓе.
 
Трите претставници се Индијанки, кои работат во Индијанскиот резерват Тохоно Одам во Аризона.  Оваа специјална единица е позната под името „Волци од сенка“, а самите членови имаат репутација на вешти трагачи кои употребуваат техники што Индијанците ги имаат развиено за трагање по луѓе, како еден начин за спроведување на законот и обезбедување на границите. 
 

Во моментот, 13-те членови на „Волците од сенка“ доаѓаат од следните индијански племиња: Тохоно Одам, Навахо, Сиукс, Киова, Лакота, Јурок, и Блекфит.  Освен секојдневните обврски што подразбираат трагање по и апсење на шверцери со дрога во Пустината Аризона, тие имаат обучувано погранични службеници во повеќе европски и азиски земји како Казахстан, Узбекистан, Литванија, Естониа, Латвија, Молдавија и Полска.